PRUDYKTIÄ

Nordsvalan prudyktit tehtään Tornionlaaksossa, Keron nahkatehtaassa Sattajärvessä, ja kotona täälä Ångermanlandissa. Nahka on kasviparkittu porosta tai nauasta ja ajatus on koko ajan ihmisen ja ympärysten mielessä. Textiä meänkielellä on leimattu joihinki minun koruihiin, voi olla ensimmäistä kerta historiassa.

JUURET

Inspiraatiuuni Nordsvalan tekoisista tullee Norrlandista-Tornionlaaksosta ja perinteistä poronhojjosta.

Mettästä, väylästä ja jänkiltä. Rakkaudesta maahan ilman rajoja. Huumorista ja vakavuudesta.

SINULLE!

Unisex malli joka soppii kaikille.. Mettässä tai juhlissa. Näytä kuka olet. Ota yhteyttä jos haluat oman mallin!

HOX!

Minun nimi on Beatrice Svala ja yrityksen nimi on Nordsvala. Minun koti ikävä sai minun löytämhään tämän korudesignin ja ette Tornionlaakso ja Norrlandi tuli minun issoin inspiraationi.

Työskentelen Ångermanlandissa ja Tornionlaaksossa. Pruukan sanoa ette olen Sörmlandilainen Tornionlaaksolainen ko mie olen syntynyt Sörmlandissa mutta kasvannut ylös Pajalassa. Lisäks mie olen vielä vähään suomalianen, saamelainen ja tietysti aika paljon ruottalainen. Eikös se ole jo monimuotoisuus/mångfaldi yhessä ihmisessä?

MEÄNKIELI

Tornionlaaksolaisena mulla on kaksi kieltä, Ruotti ja Meänkieli. Puhuthaan molemmin puolen väylä, sekä Ruottin ja Suomen puolela Tornionlaaksoa

Mie haluaan viä kieltä ettenpäin ja anta tietoa muillekki ette kieli on olemassa. Sen takia olen ottanu meänkielen minun prudyktiin. Nyt saata lukea Meänkieltä Umeåån yniversiteetissä.

Ota yhteyttä Nordsvalan kans!

Väylä, jänkkä ja mettä

Sääskitten piuaminen jänkälä, hiljaisuus mettässä eli kosken pauhaaminen. Kaikki net on minun juurista niinku se harmaja laon seinä.